Bosgarren urtez, Altzoko Elordi elkarteak Begiradak zine-aldia antolatu du. Lau film, horietatik bat dokumentala, ikusi ahalko dira eta azaroko ostiraletan emango dituzte, guztiak 19:30ean eta udaletxeko ekintza aretoan.
Filmak Arriya, Yugo & Lala eta Loreak izango dira, eta dokumentala Aulki hutsak. Dokumentala heriotzari eta doluari buruzkoa da, eta egilea eta medikua den Iñaki Peña izango da Altzon, berarekin solasaldia egin ahal izateko. Loreak filmerako ere saiatuko dira bertan parte hartu dutenetako baten bat Altzora eramaten.
Azken filma ikusi ondoren, pintxo jatea izango da Elordi elkartean bertan, herritarren artean tertulian aritzeko bidea emanez. Bego Tapia Elordi elkarteko kideak azaldu duenez, Begiradak egitasmoarekin «bizi handia ematen zaio herriko kultur dinamikari».
Entzun egitasmoari buruz Bego Tapiari egindako elkarrizketa:
Egitaraua
Azaroak 6, ostirala
19:30. Arriya filma.
Azaroak 13, ostirala
19:30. Aulki hutsak dokumentala. Bertan izango da Iñaki Peña dokumentalaren zuzendaria.
Azaroak 20, ostirala
19:30. Yugo & Lala filma.
Azaroak 27, ostirala
19:30. Loreak filma. Ondoren, pintxo jatea Elordi elkartean.