Udalaren iritziz, azken urteotan Kultur Batzordeak Altzorako "oso onak eta erakargarriak" izan diren ekintzak antolatu ditu. Horien adibide gisa ipini ditu urtekaria edota Jakinminez egitasmoa Gabonetan.
Lan horiek egiteko parte hartzeak duen garrantzia ikusirik, deialdi berezia egin du, batzordea lehenagotik osatzen zutenei, baina bereziki, jende berriari. Hori dela eta, partaide izan nahi dutenei lehen bilerara azaltzeko deia egin die:
EGUNA: urriak 1 (osteguna)
ORDUA: iluntzeko 9:00etan
LEKUA: Udal Ekintza eta Batzar Areto
Norbaitek egun horretan etortzerik ez izan arren Kultur Batzordeko partaide izan nahi balu, udaletxera deitu beharko du, 943 652413 zenbakira.
Liburutegia, datorren ostegunetik aurrera
Udako oporren ostean, urriaren 1ean zabalduko da liburutegia, ohiko ordutegian (16:30-18:30). Haur gelan egokitzapen lan batzuk egiten ari dira eta horiek amaitutakoan irekiko da.