Asteartean egin zuten inaugurazio ekitaldia, eta jende ugari bertaratu zen. Margolanak, mandala, panpinak, makilak, zeramikak edota egurra landuz egindako lanak ikusteko aukera dago bertan.
Manuel Epelderen makilak, Zuriñe Peñagarikanoren panpinak, Roman Ganzarain eta Kike Rodrigezen egur-tailak, David eta Pablo Azurza aita-semeen margolanak, Miren Garikanoren zeramikak eta Edurne Suduperen mandalak. Guztiak, Lierni Izagirrek mimoz dekoratuta, herritar taldetxo baten laguntzaz antolatuta.
Erakusketa irekieran artista gehienek bere zaletasunaren nondik-norakoak eta obraren xehetasunak eman zituzten; gero, Oihane Artola (biolina), Mari Murua (Txeloa) eta Izaro Olanok (pianoa) bere doinuekin giroa goxatu zuten.