Larunbat arratsaldea bete-betea izan zuten Elordi Elkartean. Arratsalde osoa musen eta punttun aritu eta gero bertsolarien puntuak entzutera bildu ziren gauean. Xabier Murua eta Joseba Elduaienek irabazi zuten musean, punttuan Joseba Amiano eta Ibai Irurek. Gero, mendi zizurkildarrak eta Artola alegitarrak bertso saio bizi eta umoretsuarekin azken gozo puntua jarri zioten Elordi Elkarteko zuzendaritzak prestatutako afari ederrari.