Antton Iztueta altzotarra adi egon zen eta ostegunean kamara hartu eta zikoinei argazkiak ateratzen aritu zen, ondoren, Ataria-ri bidaltzeko. Irudiez gain, altzotarrak gertaeraren nondik norakoak kontatu ditu. "Bateren batek dorreko gurutze gainean egin omen du egonaldia. Iluntzean iritsi eta atseden hartu ondoren, zikoina batzuk euren bidea jarraitu zuten. Beste batzuk, ordea, gaua herrian pasa zuten. Ostegunean 13 zikoina gelditzen ziren udaletxe alboko zelaian, jan bila, argazkietan ikusten den bezala".
