Altzoko bilketa sistema berriaren jarraipena egiteko, Tolosaldeko Mankomunitateak eskatuta Spora enpresako langileek karakterizazio egin dute gaur goizean Altzon. Ariketa honen helburua hondakinak gaika sailkatzen diren edo ez aztertzea da. Horretarako, edukiontzi berde bat hartzen da eta bertan dagoen hondakina sailkatu egiten da. Mankomunitatetik azaldu dutenez, "karakterizazio honek esango digu errefusaren edukiontzietan zein hondakin agertzen diren, eta beraz, zertan egiten den akats edo zertan ondo".
Altzoko frontoian goiz osoa hondakinak sailkatzen igaro ondoren, Sporako langileak hurrengo astean kaleratuko dute txostena, karakterizazioaren emaitzak zeintzuk izan diren argituz. Langileen esanetan, aste amaierako emaitzak prest egotea aurreikusten dute.