10:00

Europako Ondarearen Jardunaldiak

Galdutako usadioak ahaztu ez daitezen, konta dezagun ondarea bisita gidatua egingo dute.

10:00

Udazken kulturala Alkizan

Galdutako usadioak ahaztu ez daitezen, konta dezagun ondarea.  Alkizan, garai batean, baserrien errentaren osagarri garrantzitsua zen egur-ikatza. Hura salduaz etxean ekoizten ez ziren gauzak erosteko dirua lortzen zen. Bestalde, karea egiteko ere nahitaezkoa zen. Hala, ia baserri guztiek zuten euren karobia. Alabaina, usadio horiek aspaldian alboratu ziren. Langintza horiek ezagutzeko, bisita gidatua egingo dute Alkizan. Izena emateko: kultura@alkiza.eus edo 688 604 446.

19:00

Udazken kulturala Alkizan

Klima atzo eta gaur, Alkizako historia geologikoa. Asier Hilario Orus Euskal Herriko Unibertsitateko Geologiako doktorea da. Ondare geologikoaren eta geoturismoaren kudeaketan eta komunikazioan dihardu 2005. urteaz geroztik, batez ere Euskal Kostaldeko Geoparkeko arduradun zientifiko gisa. Hainbat irrati eta telebista kateren kolaboratzaile izan da, eta dibulgazio produktu ugari idatzi ditu. Besteak beste, hiru liburu, dozenaka dibulgazio artikulu eta Flysch, haitzen hitza dokumental saritua. Alkizako historia geologikoa zein den azalduko du Hilariok, gure ingurunea milioika urtetan zehar nola aldatzen doan den: aldaketa klimatikoak haitzetan zer idatzi duen kontatuko du. Izena emateko: kultura@alkiza.eus edo 688 604 446.