Urtetik urtera egitarauan hutsik egiten ez duen ikuskizuna da gazteen herri kirol saioa. Herriak galdu dituen hiru gazte omentzeko modua dute alkizarrek. Horretarako, Alkizako plaza probaleku bihurtuta neska-mutilak elkarren lehian aritu dira: trontzan, koxkor biltzen, harri-jasotzen, korrika, txingatan, orgatxoan, zaku-karreran, hilerrira arteko korrika-saioan...
Kirol eskarmentua erakutsi dute bai alkizarrek eta baita xoxokarrek ere, betiere umorea galdu gabe. Festek oraindik badute zer eskaini eta asteartea bitarte gustu guztientzat pentsatutako ekitaldiak izango dituzte:
EGITARAUA
Irailak 5, larunbata
- 10:30. Umeen txirrindulari lasterketa.
- 12:00. Toka txapelketa, 13 urtetik gorakoentzat.
- 17:30. Alkiza eta Xoxokako gazteen arteko herri kirolak.
- Ondoren. Sagardo dastaketa.
- 22:00. Barrikotea.
- Ondoren. 3ttu erromeria.
Irailak 6, igandea
- 11:00. Umeen pilota partidak.
- 12:00. Paella lehiaketa.
- 17:30. Herri kirolak.
- Ondoren. Larrañaga eta Ostolazaren eskutik erromeria. Earra food-trackarekin mokadutxoak jateko aukera.
Irailak 8, asteartea
- 13:00. Meza.
- 14:00. Jubilatuen bazkaria.
- 16:00. Toka txapelketa, 13 urtetik beherakoentzat eta jubilatuentzat.
- 17:00. Herriko trikitilariak.
- Ondoren. Ogitarteko jatea.