Kirola eta abentura ardatz dituen ekimen kulturala antolatu zuen iaz lehenengo aldiz Alkizako Udalak. Aurtengo egitaraua herritarrekin batera osatu nahi dute, eta parte hartzea errazteko galdetegi bat prestatu dute.
Udalaren esanetan herritarrak dira benetako protagonistak Alkiza Mugimenduan ekimenean. Urtean zehar hainbat jarduera antolatzen badituzte ere, gutxienez aste batez gai horietan sakondu eta herrian giro berezia sortzea dute helburu.
Iazko edizioan herriko korrikalarien testigantzak entzuteko aukera izan zuten, eta oso esperientzia aberasgarria izan zela aipatu dute udal ordezkariek. Herritarren esperientziak eta ikuspegiak ezagutu nahi dituzte, eta horrekin batera, kanpotik etorritako gonbidatuekin osatu egitaraua.
Iritziak eta ekarpenak jasotzeko galdetegia betetzeko eskatu du Alkizako Udalak.