Alkizako plenoak aho batez babestu du Alkizaren etorkizun urbanistikoaren oinarriak ezarriko dituen dokumentu estrategikoa: Hirigintza Plan Orokorra. Herriaren garapen ordenatu eta jasangarria bermatzeko helburuarekin onartu dute.
Plan Orokorrean aurreikusitako etxebizitzak eraiki ahal izateko lur-eskuraketaren inguruko aurrerapausoak eman dituzte dagoeneko. Udalak lortu du akordio batera iristea herriko lau lur-jabe pribaturekin eta haien lurrak erosi dituzte. «Emandako urratsa oso garrantzitsua da etxebizitza beharrari erantzuteko egin beharreko proiektuak gauzatzeko bidean aurrera egiteko».
Alkizako Udalak bere konpromisoa berretsi du herriaren garapen orekatuarekin, biztanleen ongizatearekin eta etxebizitza aukeren sustapenarekin.