Onddoek naturan betetzen duten funtzioa eta bioaniztasunarekin duten lotura ezagutzeko ibilbide gidatua egingo dute larunbatean Alkizan.
Aranzadi zientzia elkarteko Joxepo Teres arituko da azalpenak ematen, justu udazkenean, onddoen garaian. Ibilbide didaktikoa izango dela esan dute antolatzaileek, publiko orokorrarentzat egokia.
Alkizako plazatik abiatuko dira 10:00etan eta basoan zehar egingo dute, bi ordu eta erdian. Parte hartu nahi duten alkizarrek eta 12 urte beherakoak doan izango dute parte hartzea. Gainerakoek bost euro ordaindu beharko dituzte. Izen emateak honako lotura honetan egin beharko dira.