Sorkuntza artistikoaz, disidentziaz eta ekofeminismoaz aritu dira egunotan, Alkizako Ur mara museoan. Horren bueltan askotariko hitzaldiak, tailerrak, formazio saioak eta emanaldiak antolatu dituzte. Horietako bat izan da, goizean, Gorputz kuirra eszenan izenburuapean egin dutena.
Mahai inguru horretan Amaia Agirre bertsolariak, Altxa Lili kolektiboko kideek eta Mejillon Tigre taldeko Eider Perezek parte hartu dute. Gorputz kuir bat Euskal Herriko landa eremuko agertokiaren erdigunean irudikatzen saiatu dira, eta horren bueltan egin dute gogoeta. Publikoarekin nola harremantzen diren, zein zailtasun eta zein biolentzia jaso dituzten, edo zein ezuste positibo izan dituzten kontatu dute.
Goizeko mahi inguruaren ondoren, eguerdian, Ainara Martinek gidatuta formazio saioa egin dute. Posible al da sorkuntza landa eremuan? galderari erantzunez, hausnarketa egin dute parte hartzaileek. Arratsaldean amaituko dituzte topaketak, 16:30etatik aurrera. Horretarako, performancea eskeiniko dute Adur Ballarin eta Atelier Forbidden Fruits artistek, Nire gorputza mailua balitz izenburupean.