Saguzar gaua antolatu du Fagus Alkia interpretazio zentroak, irailaren 12an, 20:15ean hasita. Familian edo lagunartean gozatzeko ekintza izango da eta izena emateko ondoko formularioa bete beharko dute interesatuek. Alkizarrek eta 12 urtetik beherakoek doan izango dute parte hartzea eta gainerakoek 5 euro ordaindu beharko dituzte, eskudirutan, ibilaldiaren egunean bertan. Irailaren 11 da izena emateko azkeneko eguna.
Bisita euskaraz egingo dute eta jarduera bi zatitan banatuko dute: alde batetik, Naurtzaindiako adituek azalpenak emango dituzte, saguzarren sekretuak, ohiturak eta bitxikeriak ezagutarazteko; eta bestetik, saguzarrak zuzenean behatzeko irteera egingo dute. Gaueko ibilalditxoan tresna bereziekin saguzarren hegaldiak eta soinuak deskubrituko dituzte eta bertan dauden espezieak identifikatzen saiatuko dira.
Irailaren 12an, ostiralarekin, 20:15ean Alkizako hilerri ondoko aparkalekuan egingo dute hitzordua eta antolatzaileek aurreikusi dutenez, bi ordu inguruko ekintza izango da.