Slow Art Day eguna egingo dute Alkizako Ur mara museoan larunbatean 12:00etatik aurrera. Sarrera doakoa izango da, baina aforoa mugatua denez, parte hartu nahi dutenek aldez aurrez eman beharko dute izena urmara.alkiza@gmail.com helbidera idatzita.
Larunbateko saioan, Leire Ugalde Blanco, Ruth Anne Lopez, Amaia Conde Chiralt eta Ainhoa Apeztegia Extramiana arituko dira. Ondoren bazkari komunitarioa izango da Alkizako museoan.
Larunbatetik aurrera zabalik izango da Ur mara, beti ere, aurrez bisitak hitzartuta. Taldeka egin daitezke bisitak, 10 lagunek gutxienez eta gehienez 20ek. Ikastetxeek ere badute aukera museoa ezagutzeko. Sarrerak bost euro balio ditu eta urmara.alkiza@gmail.com helbidera idatzita egin beharko dira izen emateak.
Museoan Koldobika Jauregi zenaren lanak daude basoan, pagoen, haritzen, lizarren, gaztainondoen eta urkien artean. Erakusketa iraunkorrean, aire zabalean, formatu handiko 30 eskultura daude, euskal marmoletan eginak.