Abenduaren 2tik 5era bitartean jasangarritasunarekin eta ingurumenarekin lotutako gaiak aztertu eta jorratu dituzte Madrilen egin duten Conama izeneko ingurumen kongresuan. Honenbestez, ingurumenaren arloko elkarrizketa eta ekintza sustatzeko askotariko eragileak bildu dira bertan.
Aurten 1.200 adituk eta ordezkarik baino gehiagok parte hartu dute topaketan, besteak beste Inaki Irazabalbeitiak, Alkizako alkateak. Beste begirada batzuk lurraldetik leloari tira eginez, Irazabalbeitiak Alkizaren herri proiektua zertan datzan azaldu die bertaratuei. Udalerriaren azken urteetako bilakaera zein izan den eta etorkizuneko gidalerroak zeintzuk izango diren jakinarazi du. Natura, gizakia eta kultura ardatzetan oinarritutako herri proiektua da Alkizakoa.