Bookstart Euskadi-Gipuzkoa programa Alkizako udalerrian martxan jarriko dute aste honetan. Bookstart Euskadi-Gipuzkoa irakurzaletasuna sustatzeko programa unibertsala da, eta, honen bidez, 2022tik aurrera jaiotako haurrek liburu sorta bat jasotzen dute inolako kosturik gabe.
Bookstart Euskadi-Gipuzkoak irakurketari, baliabideei, jarduerei eta askoz gehiagori buruzko aholkuak eta orientabideak eskaintzen ditu. Azken finean, Bookstart Euskadi-Gipuzkoaren azken helburua da liburuekiko, abestiekiko eta errimekiko maitasuna sorreratik inspiratzea. Bookstart Euskadi-Gipuzkoa programarekin batera, Liburu Baby Klubaren irakurzaletasuna sustatzeko doako ipuin kontaketa saioak egingo dira Alkizan azaroaren 6ean eta abenduaren 4an. 0 eta 5 urte arteko umeentzat izango da ipuin kontaketa hiru hizkuntzetan, euskaraz, gaztelaniaz eta ingelesez. Ipuin kontaketak udal liburutegian izango dira 17:00etatik aurrera.
Bookstart Euskadi-Gipuzkoak Gipuzkoako Foru Aldundiko Kultura, Lankidetza, Gazteria eta Kirol Departamentuaren laguntza du, Mestiza Elkarte Artistikoa-Soziokulturalak inplementatua.