Xabier Artolak Koldobika Jauregiren bizialdiko eta artista ibilbideko hainbat argazkirekin bilduma osatu eta bideo proiekzioa prestatu du. Ikusgai jarri dute Fagus Alkiza interpretazio zentroaren wegbgunean.
Artola Informatikan doktorea da, irakasle izana eta Ixa taldeko partaide hasiera-hasieratik. Ikerkuntza hizkuntzaren tratamendu automatikoaren arloan egin du eta euskaltzain urgazlea da 2006tik. Literaturazalea da eta argazkilaria; Artzubi ezizenarekin argitaratu izan ditu bere argazkiak.
Artola Jauregiren aldamenean aritu zen Itxurain proiektuan eta, ordutik, haren beste hainbat proiektu asko iruditan eman ditu argazkilariak. Orain, bideo proiekzio batean jaso du eskulturagilearen bizialdia.