Fagus-Alkiza interpretazio zentroak Harkaiztietako bizilagunak izeneko bisita gidatua antolatu du irailaren 14rako. Hilerri ondoko aparkalekutik abiatuko da bisita, 10:30ean, eta bi ordu eta erdiko iraupena izango du.
Hernio-Gazume Natura 2000 Sare europarraren baitan aitorturik dago. Besteak beste, bertan Europar Batasunaren interesekoak diren hainbat landare eta animalia espezie aurkitu daitezke, esate baterako, harkaiztien gainean hegan ikusten dira sai arre eta sai zuriak. Javier Vazquez basozain ohiak hegazti sarraskijaleen inguruko bitxikeriak kontatuko ditu bisita gidatuan.
Parte hartu nahi dutenek aurrez eman beharko dute izena esteka honetan klikatuta.