Fagus Alkiza interpretazio-zentroak intsektuak hobeto ezagutzeko bisita gidatua antolatu du. Aranzadi zientzia elkarteko Entomologia saileko kidea den Iñaki Mezquitarekin batera ibilbide gidatua egingo du uztailaren 26an.
«Hernio mendiaren magalak hamaika altxor ezkutatzen ditu. Belardietan edo basoetan barna paseatuz hamaika intsektu txiki ikusi ditzakegu. Ezezaguna bezain harrigarria da, ordea, izaki txiki hauen mundua», esan dute interpretazio zentroko arduradunek.
Ibilbidea Alkizako hilerri ondoko aparkalekutik abiatuko da 10:30ean eta pare bat orduko iraupena izango du. Bideak ez du zailtasunik baina arropa eta oinetako erosoekin joatea eta ura eramatea aholkatu dute antolatzaileek.
Parte hartzeko ezinbestekoa da aurrez izena ematea: https://forms.gle/42gtu9Dss9THXs2b9.