Urte batzuetatik hona Alkizako udala genero berdintasuna bultzatzeko eta emakumeen kontrako indarkeria borrokatzeko programa bat garatzen ari da. Programa horretan udal agintariez gain, herritarrek ere parte hartu izan dute; bereziki eskolako neska-mutikoak eta herriko gazteak. Azaroaren 25aren aldarrikapenen harian Alkizako eskola umeek horma irudi bat pintatu zuten udaletxeko eskuineko saihetsean, Asteasutik etorrita ikusten den paretan.
Herriko artista Aitor Irulegiren laguntzarekin aritu ziren eskolako neska-mutikoak Aske maite, aske bizi leloa duen horma irudia osatzen.
