Goizean goizetik, altxorraren bila ibili dira herriko gazteenak, eta jolasean bildutako altxorrekin errezetak prestatu dituzte. Honela, pintxo lehiaketa antolatu dute Alkizako frontoian. Umeek egindako errezetak probatzen gazteak ibili dira, epaimahai lana eginez.
Omenaldietarako tartea ere izan da, eta Maider Aldabazal kultur teknikaria eta liburuzainari herrian egiten duen lana eskertu diote lore sorta bat oparituz. «Alkizan lan egitea oparia da» esanez eskertu du Aldazabalek herriko gaztetxoenen detailea.
Jarraian, frontoitik elizako aterpera lekualdatu dira parte hartzaileak. Bertan, Oreka Tolosako irakasleak prest zeuden zinta, tela eta uztaiekin. Koltxonetak lurrean jarrita, grabitatearen kontra ibili dira neska-mutilak, nor baino nor akrobatago.
Oraindik, asteburua amaitu bitarte, sanmartinetan murgiltzeko aukera bada Alkizan:
- Azaroak 11, larunbata
18:00. Lau eta erdiko pilota finala frontoian.
21:00. Afari herrikoia, Alkizako frontoian. - Azaroak 12, igandea
12:00. Gaztelupe abesbatzaren emanaldia egingo dute, Alkizako elizan.
17:00. Eskoba txapelketa.
