Atzo 18:50ak aldera aldera, SOS-Deiak 112 zerbitzuan dei bat jaso zuten Alkizako Hernio auzoan eskalatzaile bat erori zela esanez. Kolpearen ondorioz, eskalatzaileak min hartu zuen belaunean, eta ezin zen ibili.
Eusko Jaurlaritzako Larrialdiei Aurre Egiteko Zuzendaritzako teknikari batek suhiltzaileen eta Osakidetzaren baliabideak eta Ertzaintzaren helikoptero bat zein Zaintza eta Erreskate Unitateko agenteak mobilizatu zituen istripua gertatu zen lekura.
Toki malkartsua zenez, helikopteroan zihoazen erreskatatzaileak iritsi ahal izan ziren istripua izan zuen eskalatzailea zegoen lekura. Egonkortu zutenean, zauritua helikopteroan eraman zuten leku seguru batera, eta bertan zain zuen Osakidetzaren anbulantziak eraman zuen ospitalera.