Frantziako Tourra eskualdetik pasako da datorren uztailaren 2an. Tartean Alkizatik pasako da txirrindulari itzulia eta hori dela eta festa bat antolatu du Alkizako Udalak. Jakinarazi dute, bertara igotzeko bideak larunbat goizetik igande gauera arte itxita egongo direla eta herritarrek baino ez dutela izango aukera Alkizara igotzeko. Igande horretan, Alkizan Tourraren pasaera ikusi nahi duenak, Anoetan edo Asteasun utzi beharko du autoa eta oinez edo bizikletaz igo Alkizaraino.
Egun osoko festa antolatu dute uztailaren 2rako:
- 11:30. Herriko plaza inguruan:
- Sardinak parrilan eta zenbait pintxo.
- EkoTaloren postua.
- Taberna plazan.
- Tourra jarraitzeko pantaila erraldoia.
- Show Zeru ibiltariak, 300 metrora highline-a.
- 14:00. Tourreko karabana.
- 15:30. Tourra.