Tolosa Aurrera pilota elkartean hazitakoa, Gorka Ugartemendiak Beotibar pilotalekuan debutatuko du profesional gisa, Baiko Pilota enpresarekin.
20 urteko alkizar atzelari gazteak Unai Laso egungo buruz buruko txapeldunarekin osatuko du bikotea Peña II.a eta Iztuetaren aurka jokatzeko.
Pilota jaialdia 17:00etan hasiko da Ugartemendiaren debutarekin, eta ondoren, hastear den Buruz Buruko Txapelketako final zortzirenetako kanporaketa batekin gozatu ahalko dute pilota zaleek.
Sarrerak Entradasfronton.com webgunean eskuratu ahal izango dira.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!