Abenduaren 27an 2022ko azkeneko osoko bilkura egin du Alkizako Udalak. Hartutako erabakien artean azpimarratzekoa da, diru-sarrerak bermatzeko errenta jasotzen duten iraupen luzeko langabetuak gizarteratzeko eta laneratzeko laguntza integraleko ibilbideen tokiko proiektu pilotuan parte hartzea erabaki du udalak. Tolosaldea Garatzenek bultzatutako egitasmoa da eta proiektu pilotuaren bideratzaile izango den Tolomendirekin hitzarmena sinatzea onartu dute azkeneko osoko bilkuran. Hitzarmen horren bidez proiektuan parte hartzen ari diren langabetuek herri lanak egingo dituzte Alkizan bi txandatan: lehena otsailean eta bigarrena abuztuan. Aurreikusitako lanen artean herriko plazako zoladura konpontzea dago.
Halaber, udal langileen egonkortze prozesua burutu ahal izateko Gipuzkoako Foru Aldundiari kudeaketa enkomienda ematea erabaki du Alkizako Udalak.