Juan Irazusta Alkizalete (Alkiza, 1988-1772) Hernialde eta Alkizako erretorea izan zen, baita euskal idazlea ere. Bere heriotzaren 250. urteurrenaren harira ekitaldi bat egingo dute uztailaren 22an Alkizan. Bi zati izango ditu ospakizunak; lehenengoan, Fagus Alkiza interpretazio zentroan Juan Irazusta eta bere garaiari buruzko erakusketa inauguratuko dute; bigarrengoan, Juan Irazusta. Pertsona, garaia eta idazlana liburua aurkeztuko dute San Martin Tourseko elizan. Uztailaren 22an, 17:00etan inauguratuko da erakusketa eta irailaren erdialdera arte bertan izango da ikusgai eta 17:30ean egingo da liburuaren aurkezpena.
Irazustak Gaspar Astete jesuitaren dotrina itzuli zuen euskarara eta ikuspegi erlijioso zein linguistikotik polemika-iturri izan zen. Bi mendetan zehar, Gipuzkoako milaka haurrek Irazustak idatzitako dotrina memoriaz ikasi beharra izan zuten. Aldekoak eta kontrakoak izan bazituen ere bere itzala gaur egunera arte iritsi da. Hala, Alkizako Udalak eta Euskaltzaindiak alkizarra hil zeneko urteurrena baliatuko dute Irazusta bera, bere garaia eta lana aintzat hartzeko