Hondakin organikoa biltzeko edukiontziak jarriko dituzte

Tolosaldeko Ataria 2022ko mai. 3a, 13:04

Hondakinen bilketa puntuetan edukiontzi marroia jarriko dute eta organikoa biltzeko ontzia eta poltsa konpostagarriak banatuko zaizkie herritarrei.

Alkizako Udalak 2013. urtetik herrian sortzen den hondakin organikoa herrian bertan kudeatzen zuen, banakako konpostagailuaren eta auzo-konposta guneen bidez. Ordea, azkeneko ikuskapenetan jasotako datuak ikusita, udalak sistema aldatzea erabaki du. 

Udalerriko hondakinen bilketa puntuetan edukiontzi marroiak jarriko ditu udalak eta herritarrei organikoa biltzeko ontzia eta poltsa konpostagarriak banatuko zaizkie. Banaketa plazan egingo da hurrengo egunetan:

  • Maiatzak 6, ostirala. 17:30-19:30
  • Maiatzak 7, larunbata. 11:00-13:30
  • Maiatzak 12, osteguna. 17:30-19:30

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!