Alkizako Udalak bere jabetzekoa den Erretore etxeko beheko solairuan kokaturik dagoen etxebizitza alokairuan jarri du. Helburu horrekin onartu ditu etxebizitza alokairuan esleitzeko oinarriak.
Urtebeteko errenta kontratua izango da eta hileko alokairua 425 eurokoa da. Argindarra, gasa, ura eta zaborraren gastuak maizterraren kontura izango dira.
Esleipenean parte hartzeko interesa duenak udaletxean bertan edota Alkizako Udalaren atarian eskura ditu eskaera orria eta etxebizitza alokairuan esleitzeko oinarriak.
Parte hartzeko eskabidea eta dokumentazioa aurkezteko epea 15 egun naturalekoa izango da. Eskaerak udalaren erregistroan aurkeztu beharko dira.