Apirilaren 23a Liburuen Nazioarteko Eguna da eta behar bezala ospatzeko tailerra antolatu dute Alkizan, Juan Kruz Igerabiderekin batera. Hizkiekin jolasean ibiliko dira eta Abezedario titirijario liburuan oinarritutako poesia-jolasak eta marrazki tailerra eskainiko ditu Adunako idazleak.
Alkizako sei urtetik gorako neska-mutilentzat prestatu dute saioa kultur etxean, 17:00etatik aurrera. Ordu bete inguruko iraupena izango du, baina aurrez izena ematea ezinbestekoa izango da. Horretarako mezua bidali daiteke kultura@alkiza.eus helbidera edo whatsapp bat bidali 688 60 44 66 telefonora.