Alkizako Udalak Uemarekin elkarlanean herritarrentzat formazio tailer irekia antolatu du. Alkizarren iritzi eta ekarpenek garrantzia izango dute, "alez ale uzta oparoa biltzea baita asmoa".
Alkizan euskararekin gertatzen ari dena, Alkizan bakarrik gertatzen ote den edo udalerri askotan antzeko joerak sumatzen ote diren planteatuko dute tailerrean. Egoera honen arrazoiak aztertu eta udalerri euskaldunetako joera linguistikoei buruzko hausnarketa egiteko tarte bat hartuko dute tailerrean.
Apirilaren 22an izango da, 17:00etatik aurrera kultur etxean, baina osasun egoeragatik aurrez eman beharko da izena. Horretarako mezu bat idatzi beharko da kultura@alkiza.eus helbidera edo whatsapp bat bidali 688 60 44 66 telefonora.