Fagus Alkiza interpretazio zentroak Aste Santuko opor egunetarako ekitaldiak antolatu ditu. Hauetan izen emateko, emaila bidali daiteke kultura@alkiza.eus helbidera edo whatsappa bidali 688 60 44 66 telefono zenbakira.
- Baserri paisaien eraikuntzan gure arbasoek izan duten eragina eta garrantzia ezagutzera emateko tailer ibiltaria eskainiko du Fagus Alkiza interpretazio zentroak apirilaren 3an, larunbatarekin. Ibilbidea hilerri ondoko aparkalekutik abiatuko da 10:00etan. Alkizarrek eta 12 urtez azpikoek doan iznago dute bisita eta gainerakoek 5 euro ordaindu beharko dituzte. Erraz egiteko moduko bidea da eta irteera bi ordu eta erdi ingurukoa izatea aurreikusi dute.
- Ainhoa Goenaga sortzaileak apirilaren 11n tailerra eskainiko du Ur mara museoan, 10:00etatik 13:00etara. Kultura japoniarrean karpak oso miretsiak dira korrontearen aurka igeri egiteko erakusten duten indarragatik. Tailer honetan, haize-arrain propioak egiteko aukera izango dute haur nahiz helduek: oihal koloretsu, pintura, joskintza eta abarrez baliatuko dira horretarako. Parte hartzaile bakoitzak 5 euro ordaindu beharko ditu.