Gipuzkoako Foru Aldunditik herritarroi eskatu diete gramineoan hostoak jaten dituen beldarra atzemanez gero aldundia jakinaren gainean jartzeko.
2020ko udazkenean, Gipuzkoan, har honek eragindako kalte ugariren berri izan zuten. Kalte horiek, gehien bat, belardietan atzeman ziren, baita arto soroetan ere.
Espeziea erasokorra da eta oso azkar ugaltzen da. Ondorioz gomendagarria da tratamendua ematea haren kontra, udaberrian, lehenengo beldarrak atzeman bezain laster. Hori bai, tratamendua eman ahal izateko, aplikatzaile txartela izatea ezinbestekoa da. etaukeratutako produktua onartuta egon beharko da labore horietarako.
Lehenengo beldarrak atzemateko gomendagarria da, orain, tranpak jartzea (feromona). Horrela, helduen hegaldiak kontrolatuko baitira, eta errazago aurreikusiko dira lehenengo beldarren erasoa. Mythimna unipuncta espeziea atzemanez gero, aldundiarekin harremanetan jartzeko posta elektronikoaren berri eman dute: landarealorra@gipuzkoa.eus.