Galdutako usadioak galdu ez daitezen, herriko ondarea ezagutzera atera dira goizean Alkizan. Bisita gidatua egin dute Baserri paisaien ibilbidean zehar. Bidean geldialdiak egin dituzte, eta Iñaki Irazabalbeitia alkatea arduratu da azalpenak emateaz.
Hamar lagun inguruko taldea bildu da herriko plazan txangoa egiteko. Santiago ermitan egin dute lehen parada, ondoren Bipagoetara iritsi eta ibilbide luzeena hartu dute; Sakamindra auzotik barrena, Zumitzaberri karobira iritsi dira, eta handik herrira buelta egin dute berriro.