Bisita gidatu tematikoa

Fagus Alkiza Interpretazio Zentroak antolatuta bisita gidatu tematikoa eskainiko da, zuhaitz lepatuak ikusteko. Hernioren gailurren azpian, bada pago motzen sail erraldoi bat. Alkizako basoetako egurrarekin egindako barkuek urruneko itsasoak zeharkatu zituzten. gainera, bertan sortutako ikatzarekin berotzen zituzten bai alkizarren sukaldeak eta baita industrietako labeak ere.

Balentin Mugartza, Gipuzkoako Foru Aldundiko teknikaria, gidari dutelarik arbasoengandik jasotako altxorrak hobeto ezagutzeko aukera izango da. Ibilbidea haurrekin egiteko modukoa izango da, bi orduko iraupena izatea aurreikusten da.

Izena emateko: kultura@alkiza.eus edo 688 604 466.