Artea eta natura uztartuz Hernio eta Gazumera

Bihar Hernio eta Gazumera irteera egingo dute Alkizatik, Miriam Martinez eko-artistaren laguntzarekin. Horrez gain, Alvaro Aroca artista Fagus Alkiza Interpretazio Zentroan egongo da.

Alkizatik Hernio eta Gazume mendietara irteera egingo dute, bihar 10:00etan abiatuta, eta bertako basoak bisitatuko dituzte. Natura eta artea  uztartuko dira, izan ere, ibilbidean zehar Miriam Martinez eko-artista ere egongo da, eta naturarekin eta artearekin lotutako jolasak egingo dituzte. Gainera, Alvaro Aroca artistaren bisita ere jasoko dute Fagus Alkiza Interpretazio Zentroan. Alkizan bertan, Ur Mara artearen eta naturaren museoan ere zenbait jarduera egingo dituzte.

Horrez gain, martxoaren 23an, Zarautzeko Iñurritzako amildegiak eta biotopoa bisitatzera joango dira. Bertan, flora eta fauna behatuko dituzte eta Zarautzeko hondartzan beste hainbat jarduera ere egingo dituzte.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!