Herriko gazteen artean harremanak sendotzeko, eta gazte lokala dinamizatzen ikasteko, tailerrak antolatu dituzte Alkizan. Martxoan hiru saio egingo dituzte, eta hirurak Don Juanena etxean izango dira. Emagin ikerkuntza eta formakuntza feministarako elkarteko kide batek gidatuko ditu saioak, eta aurretik ez da izena eman beharko.
Besteak beste, herriko gazteen beharrak identifikatu eta orainari eta etorkizunari begira jarri nahi dute saio hauetan. Zer nolako harremanak garatu nahi ditugu? Zer nolako gazte lokala sortu eta mantendu nahi dugu? galderak elkarbanatuz, eta espazioak berenganatuz, ariketa pertsonal nahiz kolektibo baten bidez galderei erantzun posibleak topatzen saiatuko dira.
TAILERREN EGUTEGIA
Martxoak 24, igandea
11:00 - 13:00. Don Juanenan.
Martxoak 27, asteazkena
16:00 - 18:00. Don Juanenan.
Martxoak 31, igandea
16:30 - 18:30. Don Juanenan