Fagus Alkiza interpretazio zentroarentzat esanguratsua izan da 2018. urtea, izan ere, Hernio-Gazumeko altxorrak ezagutzeko gune honek, bost urte bete baititu. Urteurrenaren harira, hainbat ekitaldi antolatu dituzte urtean zehar eta Natura&Artea ingurumena eta artea uztartzen dituen jardunaldiekin amaitu dute urtea.
Jardunaldietan Sormenaren Kabiaren lehen ekitaldia nola gauzatu den eta artistek esperientzia nola bizi izan duten ezagutzera eman dute. Unai Sorrarain bideogileak oso gertutik jarraitu du Txiki Keixeta zein Kimia Kamvariren sortze prozesua. Hasiera-hasieratik amaierara arte euren alboan izan da, askotan enbaxadore eta gidari lanak ere eginez.
Ostiralean, abenduaren 21ean, Fagus Alkiza interpretazio zentroan bertan aurkeztu zituzten bideoak. Hemen ikusi daitezke: