Izenez, Antonio Maria Agirre Garate arroarrak gaztetatik izan du arterako zaletasuna, batez ere margolaritzarekikoa. Sormenaren Kabia bekara aurkeztu zuen egitasmoa naturan oinarritzen zen. Bere lanaren funtsa, hain zuzen, naturako lau elementuen (sua, lurra, airea eta ura) arteko interakzioa izan da. Lau elementu hauek material eta tresna moduan erabiliz, beraien artean askotariko harremanak sortuz, ondorio berri eta errepikaezinak lortzea izan du helburu artelan bakoitzarekin. Lurra edo buztin errefraktarioa erabiliko du material gisa eta ontzigile teknika tradizionala baliatu du lanerako.
Egin dituen artelanak ikusgai izango dira Inazio Urruzola txakolindegian.