Mezarekin hasi dute festen azken eguna Alkizan. Haurren pilota partidek eman diote jarraipena festari, eta hamabiak aldera sabela betetzeko tartea hartu dute. Sardinak plazan bertan erre dituzte, eta txakolina dastatuz, bazkal aurre ederra pasa dute bertaratu direnek.
Arratsaldean, bertso saioa izango da elizan. Andoni Egaña, A.M. Peñagarikano, Unai Mendizabal, Maialen Lujanbio, Aitor Mendiluze eta Sebastian Lizaso arituko dira kantari. Gai jartzen Amaia Agirren izango dute. Saioaren ondoren, Ansorregi eta Larrañaga trikitilariek alaituko dute plaza ingurua eta biratean, Eko Taloren eskutik taloak jateko aukera izango da.