Grabatu eta estanpazio tailerra Ur mara museoan

Tolosaldeko Ataria 2018ko uzt. 17a, 14:38

Abuztuaren 6tik 11ra bitartean, 10:00etatik 13:00etara izango dira saioak eta 15 lagunentzako tokia egongo da. Izen emateak 35 euroan, 609 46 59 42 telefonoan edo mail@urmara.com helbidean.

Grabatu tailer bat egingo dute heldu, gazte eta profesionalei zuzendua. Maila ezberdinetako jendearentzat izango da, hasi berri nahiz profesionalei zuzendua, erritmo pertsonalizatuarekin.

Xilografi tailer honetan material eta teknika ezberdinak landuko dira, ez bakarrik egurraren gainean, baizik eta beste euskarriak erabiliz edo materialak erantsiz. Tailer egun bakoitzean desafio berriak proposatuko dira, material eta teknika aldetik, asmoa da behin tailerra bukatu ondoren teknika hauetan iaioak izatea eta landutako ideiak etxeratzea.

Tailerrak gehienbat praktikoak izango dira. Lehen saio batean paperaren euskarria, teknikak eta eskulana, paper mota ezberdinak ezagutzeko aukera izango da eta papera sortzeko tailerra eskainiko du Juan Barbek. Bigarren batean, irudia landuko da Xilografiaren historia azalduz eta lantzeko garaian irudia nola egurreratu esplikatuko dute. Euskarri ezberdinak ere landuko dira: koilagrapha, estanpazioa... Tinta ezberdinei buruzko informazioa ere emango da eta kurtso hasieran egindako artisau paperaren gaineko estanpazioa landuko dute parte hartzen duten ikasleek.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!