Behin eta berriro poltsak eta beste eratako hainbat hondakin lurrean botata atzeman dituzte Alkizan eta edukiontziak gainezka. Udalak jakinarazi duenez, «Mankomunitateak eta zerbitzu publikoak, dagokion ontzian edo lekuan dagoena jasotzeko ardura du, ez ordea kanpoan utzitakoak». Horregatik herritarrei arduratsu izateko deia luzatu diete.
Bestalde, alkizarrek aurten ordaindu duten hondakinen tasa, duela hiru urtekoaren (2014) antzekoa da eta udalak jakinarazi duenez horren arrazoiak Kontsortzioak (GHK) zabortegian botatzen den hondakinaren kostua garestitu izana eta errefusa murriztu ez izana dira».