Udal taldeak eskaera aintzat hartu eta atzoko egunaz geroztik, eskola pareko plazaren zatia ibilgailuentzat itxita egongo da eskola orduetan, 08:50etik, 16:40era, bertako bizilagunentzat izan ezik.
Lehenagotik saiatu izan da udala arazo honi irtenbidea bilatzen. Erabiltzaileen ardurari dei egin zien, eta Eskola Komunitatea osatzen duten guraso eta langileei ere eskatu zitzaien arazoa ekiditeko ahal zen neurrian. Arazoa, ordea, ez zen konpondu eta ikasleek egindako galdeketa aintzat hartuta, plaza ixtea erabaki du udalak taldeak.