103. Ordiziako Klasikoa igaro da eskualdetik lehen aldiz

Ataria 2026ko uztailaren 25a

Jokoan da Ordiziako Klasikoaren 103. edizioa; 10:00etan irten dira txirrindulariak –tartean, Gorka Sorarrain tolosarra eta Unai Iribar ibartarra– Goierriko herritik, eta berehala igaro dira Ikaztegietatik eta Alegiatik, Amezketara eta Abaltzisketara iritsi aurretik. Zirkuitu berari bost itzuli eman behar dizkiote; beraz, beste lau aldiz igaroko dira eskualdetik.

10:00etan hasi da Ordiziako Klasikoaren 103. edizioa. Lehen kilometroetan, erritmoa bizitu dute zenbait txirrindularik, eta ihesaldia sortzea lortu dute. 10:13 aldera igaro dira lehen aldiz Alegiatik, eta zortzi laguneko taldetxoa zihoan aurretik. Hiru minutu pasatxora igaro da tropel nagusia.

Iazko ibilbide bera egiten ari dira. Bost itzuli emango dizkiote zirkuituari, eta itzuli bakoitzean Abaltzisketara eta Gaintzara igotzen ari dira. Tartean, Ikaztegietatik, Alegiatik, Amezketatik eta Abaltzisketako Larraitz auzotik igarotzen ari dira. 10:10-10:25 artean igaro dira lehen aldiz herri horietatik, eta gutxi gorabehera 45 minutuero pasatuko dira.

Hemeretzi taldetako 132 txirrindulari ari dira parte hartzen; horien artean eskualdeko bi daude: Caja Rural Seguros RGA taldeko Gorka Sorarrain tolosarra eta KernPharma taldeko Unai Iribar ibartarra. Lehen itzulian tropel nagusian zeuden biak eskualdetik igaro direnean.

Jarraitu lasterketa zuzenean:

kirola Alegia

ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?

EGIN ATARIKIDE!