Herenegun jokatu zituzten Alegiako XII. Pilota Txapelketako finalak Elorri frontoian. Lehen partidan, lau koadro eta erdiko modalitatekoan, Zazpi Itturri Pilota Elkarteko Beñat Gorostidik eta Tolosa klubeko Ander Iraetak neurtu zituzten indarrak, eta bigarrenarentzat izan zen garaipena; 22-19 irabazi zuen Tolosako pilotariak, 45 minutu iraun zuen partida gogorrean.
Bigarren finala, binakakoa, oso bestelakoa izan zen. Intxurre Pilota Elkarteko Harkaitz Muruak eta Larraun klubeko Julen Sotilek osatutako bikoteak garaipen argia lortu zuen, Antzuolako Ander Etxanizen eta Gaztelekuko Aimar Segurolaren aurka. 22-9 irabazi zuten Muruak eta Sotilek.