Paula Del Pozo alegiarrak Soriako Almazan herrian (Espainia) jokaturiko triatloia irabazi zuen asteburuan. Igeri 750 metro, bizikletan 22 kilometro eta korrika 5 kilometro egin behar ziren. Alegiarra hasieratik izan zen lehen postuetan, eta Duero ibaian egindako igeriketa saiotik probaren buruan atera zen hirukoteko partaidea zen. Bizikletako saioan Sue Castellorekin batera aurrera egin zuen Del Pozok, eta bigarren trantsizioaren ostean korrika saioan hasieratik nabarmendu zen alegiarra. Helmugan 59.18ko denbora egin zuen triatloilariak. Garaipen horrekin abuztuaren 22an Meridan jokatuko den Espainiako Txapelketarako txartela ziurtatu du alegiarrak.
Abuztuaren 22an Meridan (Espainia) jokatuko den Espainiako Txapelketarako txartela ziurtatu du garaipen horrekin.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!