Gizonezkoen bederatzi talde eta emakumezkoen hiru izan ziren lehian. Alegia, Andoain, Beasain, Tolosa eta beste herri batzuetako jokalariekin osaturiko taldeak aritu ziren lehian, eta arratsalde pasa ederra egiteko aukera izan zuten bai parte hartzaileek eta baita Elorri pilotalekura joan zirenek ere. Gizonekoen mailan Eskumutur Beroak taldea izan zen irabazlea, eta emakumezkoetan Ganbara 2.
Antolakuntza pozik azaldu da herritarren parte hartzearekin eta baita ikusleek emandako erantzunarekin ere. Denboraldiko ekintza guztiak amaituta, atsedenerako eta hurrengo sasoia prestatzeko garaia izango da orain taldeko jokalari eta arduradunentzat.
Argazkiak: Elorri Aldapa kluba