Alegiara sartu orduko nabari zen egun berezia zela; balkoiak Artolaren aldeko kartelez atonduta zeuden eta plazatik oihu ugari entzuten ziren. Herrian geratu diren zaleak plazan bildu dira, bertan jarri duten pantaila erraldoitik finala ikusteko. Emozio eta tentsio uneak bizitu dituzte pantailaren bueltan, baina alegiarraren aldeko babes eta animo mezuez bete dute herriko plaza. Zoritxarrez, Artolak ezin izan du txapela lortu, baina iluntzean ongi etorri beroa emango diote herritarrek, eta afaria ere egingo dute elkarrekin pilotalekuan.