Iñaki Artolak igandean jokatuko duen buruz buruko pilota txapelketako finalaren harira, astebururako hainbat ekitaldi antolatu dira herrian. Finalerako egin diren kamisetak ostiralean banatuko dira plazan, 16:00etatik 20:00etara. Eskaera egin duten herritarrek ordutegi horretan jaso beharko dituzte kamisetak.
Finala igandean izango da, eta partida zuzenean ikusteko aukera egongo da plazan jarriko den pantaila erraldoiaren bidez. 17:00etatik aurrera, Nafarroa Arenan gertatzen den guztia zuzenean jarraitu ahal izango da karpan, eta herritarrei bertaratzeko eta Iñaki Artola animatzeko gonbita egin zaie.
Egunari amaiera emateko, herri afaria egingo da Elorri pilotalekuan.