Bertsoaz gozatzeko aukera izango dute Alegian maiatzaren bigarren egunean. Xabat eta Joanes Illarregi bertsolariekin bertso-bazkaria egingo dute Intxurre elkartean, eta dagoeneko eskuratu daitezke bertaratzeko txartelak.
Aipatutako hitzordura joateko txartelak telefonoz eskuratu daitezke 20 euroren truke, 605 761 649 zenbakira idatzita, edo aurrez aurre eros daitezke Ixkiña eta Hilarionen tabernetan. Nafarroako txapeldun eta txapeldunorde dira, hurrenez hurren, Xabat eta Joanes Illarregi, eta otordua zein bazkalostea girotuko dituzte.