Alegiako Inaxio Begiristain kirol eta kultur etxearen eta liburutegiaren ordutegiek aldaketak izango dituzte Eguberrietan. Abenduaren 22an eta 23an —astelehena eta asteartea— 15:00etatik 21:00etara egongo da irekita kultur eta kirol etxea, eta liburutegiak, aldiz, ohiko ordutegia izango du, 16:30etik 19:30era.
Bestalde, itxita egongo dira abenduaren 24tik urtarrilaren 1era, biak barne. Urtarrilaren 2an eta 5an, berriz, goizez egongo dira zabalik kultur etxea eta liburutegia, zehazki, 10:00etatik 13:00etara.